பக்தி முரசு (ஒரு பக்க வாராந்திர இதழ்)
சாரல் 05 துளி 32 தேதி 09.11.2011
கீதையின் சாரலில்..... விஸ்வரூபதர்சன யோகம் (11ம் அத்யாயம்)
பஸ்யாதி3த்யாந்வஸூந்ருத்3ராநஸ்விநெள மருதஸ்ததா2//
ப3ஹூந்யத்3ருத்ஷ்டபூர்வாணி பஸ்யாஸ்சர்யாணி பா4ரத//(அத்.11 ஸ்லோ.6)
யாரும் காணமுடியாத, இதுவரை யாரும் கண்டிறாத, பலவித ஆச்சிர்யங்கள் நிறைந்த பகவானின் விஸ்வரூபத்தை காணுமாறு அர்சுனனுக்கு கட்டளை யிடுகிறார் பகவான்.
அதீதியின் புதல்வர்கள் பன்னிருவர். அவர்களாவனர் 1. தாதா 2. மித்ரன் 3. அர்யமா 4. ஸக்ரன் 5. வருணன் 6. அம்ஸன் 7. பகன் 8. விவஸ்வான் 9. பூஷா 10. ஸவிதா 11.த்வஷ்டா 12. விஷ்ணு. இவர்கள் ஆதித்யர்கள் ஆவார்கள். இவர்களில் விஷ்ணுவின் ஸ்வரூபம் சாக்ஷாத் பகவானே. மருத்துக்கள் நாற்பத்தி ஒன்பதுபேர்கள். ருத்ரர்கள் பதினொரு பேர்கள். வஸூக்கள் எட்டுபேர்கள். அச்வினீ குமாரர்கள் இருவர் ஆக 12+49+8+11+2=82 ஆக எண்பத்தி இரண்டு முக்கிய தேவகணங்கள். இவர்களைப் பத்தாவது அத்யாயத்தில் அடையாளம் காட்டிய பகவான் இங்கே அவர்களின் ரூபத்தை காண்பிக்கிறார். யாவரும் தம் ஸ்வய ரூபத்தில் அடக்கம் என்று சொல்கிறார். முன்பே சொல்லப்பட்டவர்கள் இவர்கள். இன்னும் சொல்லப்படாதவர்களும், இதற்கு முன்னாள் காணப்படாத ரூபங்களும், மிகவும் வியக்கவைக்கும் வினோத ரூபங்களும் இங்கே விஸ்வரூபத்தில் பகவான் அர்சுனனுக்கு காண்பிக்கிறார்.
ஸ்லோகத்தின் உட்கருத்து “அர்சுனா! ஆதித்யர்கள், வஸூக்கள், ருத்ரர்கள், அச்வினி தேவர்கள், மருத்துக்கள் ஆகிய் தேவகணங்களையும் பார். அவ்வாறே நீ இதுவரையில் பார்க்காத பல ஆச்சர்யங்களையும் பார்” –பகவான் ஸ்ரீகிருஷ்ணர்-
இங்கே ஒரு துளி: ஸ்ரீமத்வாச்சார்யர் – வாழ்க்கை வரலாறு மற்றும் தத்துவம் :(பகுதி 15) (படைப்பு: ஆதிமைந்தன்) ஸ்ரீமத்வர், வாயு பகவானின் அவதார புருஷர் என்பதையும், முற்பிறவியில் ஹனும, பீம அவதாரம் எடுத்தவர் என்பதையும் அனேக சமயங்களில் நிரூபித்துள்ளார்.
இமயமலையைத் தாண்டித் தாண்டி மேல் பத்ரிக்குச் சென்றதும், கங்கையை தான் உடுத்திய ஆடை களே நனையாமல் கடந்து சென்றதும், குருக்ஷேத்ரம் என்னுமிடத்தை அடைந்து தாம் பீமசேனனாக அவதாரம் எடுத்த போது, தாம் மஹாபாரதப் போரின்போது உபயோகித்த க3தையை பூமியிலிருந்து தோண்டச் செய்து எடுத்துக்காட்டியதும், இஷூபாத என்னும் க்ஷேத்ரத்தில் 1008 வாழைப்பழங்களைத் தின்றதும், கோவ என்னும் க்ஷேத்ரத்தில் 4000 வாழைப்பழங்களையும் தின்றதுடன் முப்பது குடம் பாலையும் குடித்து எந்தவித பாதிப்பும் இல்லமல் இருந்ததும், தாம் பீமஸேன அவதாரம் என்பதை நினைவுபடுத்துவதாக உள்ளது. ஸ்ரீமதாச்சார்யரின் மஹிமைகளையும் சக்தியையும் அறிந்த அந்தநாட்டு மன்னன், அவ்வூரிலேயேத் தங்குமாறு நிர்பந்தப்பதப்படுத்தி தன் சேவகர்களை காவல் வைத்தான். ஸ்ரீஆச்சார்யர் அவ்வூரை விட்டு வெளிவர முடியாதவாறு காவலாளிகள் தடுத்ததால், அவர்களின் பார்வையிலிருந்து திடீரென மறைந்து வெளியேறினார். பிறகு பசுபே என்னுமிடம் வந்து சேர்ந்து, தம்மின் சங்கீத சக்தியால் அங்கிருந்த மலட்டு மரத்தைப் பூக்கவும் காய்க்கவும் செய்தார்.
பூஜிக்கப்படுபவரும், வேதவ்யாஸரின் சிஷ்யரும், தன்னலமற்றவரும், த்வைத சித்தாந்தத்தை தோற்றுவித்தவரும், சர்வக்ஞனரும், காம்பீர்யமானவரும், தைரியமானவரும், தோஷமற்றவரும், ஜீவோத்தமரும், எல்லா பிராணிகளின் ப்ராணனாக இருப்பவரும், மருத் அம்ஸரும், ஸூகதீர்த்தரும், பரிபூர்ணமானவரும், துஷ்ட மதங்களை ஸம்ஹாரம் செய்தவரும், பூர்ணபிக்ஞரும், உலகினுக்கு அணிகலனாகத் திகழ்பவருமாகிய ஸ்ரீமதாச்சார்யரின் அவதார மஹாத்மியங்கள் அனேகம் உண்டு. அவரின் புகழ்பாடி, மனதார நினைத்தாலே நம் இச்சைகள் யாவும் இனிதே நிறைவேறும் என்பதாக தேவதைகள் எல்லோரும் கூறுகின்றனர்.
ஸ்ரீமதாச்சார்யரால் இயற்றப்பட்ட க்ரந்தங்களை யார் தன் சக்திக்குகந்தவாறு மனனம் செய்து பக்தியுடன் பிரவசனம் செய்கிறார்களோ அவர்கள் ஸ்ரீமுகுந்தனின் அனுக்ரகம் பெற்று முக்திக்கு பாத்திரராகிறார்கள்.
சதாகாலமும், இன்றும் கூட, ஸ்ரீஹரி ஸ்மரணை செய்துகொண்டிருப்பவர் ஸ்ரீமத்வர் அவர்கள் என்பதில் சந்தேகமில்லை. ஸ்ரீமத்வரின் ஹருதயத்தில் ஸ்ரீஹரி குடிகொண்டிருக்கிறார். ஸ்ரீஹரி சர்வோத்தம தத்துவத்தை உலகினுக்கு எடுத்துக் காட்டிய ஸ்ரீமத்வர், பல்வேறு மதங்களில் காணப்பட்ட குறைகளை எடுத்துக்கூறி, ஸ்ரீஹரி சர்வோத்தம தத்துவத்தின் பூர்ணத்துவத்தை விளக்கும்போது, வெவ்வேறு மதத்தினர் ஸ்ரீமத்வரின்பால் பொறாமைக் கொண்டார்கள். இவர்களில் பத்மதீர்த்தர் மற்றும் புண்டரீக முனிவர் ஆகியோர் குறிப்பிடத் தகுந்தவர்கள். மனிதரில் முழுமைப்பெற்றவன் யாரும் இல்லை. மனிதனே இறைவனாகவும் சாத்யமில்லை. இறைவனை மனிதன் முழுமையாகக் காணமுடிவதில்லை. அவரவர் யோக்யதைக்கும் சக்திக்கும், அதிகாரத்திற்கும் உட்பட்டு, ஞானம், சாஸ்திரம் மற்றும் பிரத்யக்ஷங்களை அனுசரித்து இறைவனைக் காண்கிறான். மனிதர்களுக்கிடையே அனேக வேறுபாடுகளை நம்மால் காணமுடிகிறது. அதாவது மேதைகள்,அறிவாளிகள்,அறிவிலிகள், பலசாலிகள், பலமற்றவர்கள் போன்ற பல்வேறு வித்தியாசங்கள் இருப்பதை நாம் காண்கிறோம். (இன்னும் தொடரும்...........)
தே3வம் நாராயணம் நத்வா, ஸர்வதோ3ஷ விவர்ஜிதம்/
பரிபூர்ணம் கு3ரூம்ஸ்சான் கீ3, தார்த்த2ம் வக்ஷ்யாமி லேஸத//
ஸமஸ்த கு3ண ஸம்பூர்ணம், ஸர்வதோ3ஷ விவர்ஜிதம்/
நாராயணம் நமஸ்க்ருஸத்ய, கீ3தா தாத்பர்ய முச்யதே//
ஹரே ராம ஹரே ராம ராம ராம ஹரே ஹரே/
ஹரே கிருஷ்ண ஹரே கிருஷ்ண கிருஷ்ண கிருஷ்ண ஹரே ஹரே//
No comments:
Post a Comment