பக்தி முரசு
கீதையின் சாரலில் விபூதி யோகம் 10வது அத்யாயம்
கீதையின் சாரலில் விபூதி யோகம் 10வது அத்யாயம்
ஸர்கா3ணாமாதி3ரநதஸ்ச மத்4யம் சைவாஹமர்ஜீந/
அத்4யாத்மவத்3யா வித்3யாநாம் வாத3 : ப்ரவத3தாமஹம்// (அத்.10 ஸ்லோ.32)
“கணக்கற்ற ஸ்ருஷ்டிகளுக்கு ஆதிகாரணம் நானே, வழிநடத்தும் நடு நிலையும் நானே, அவைகளின் காரியமான பிறகு அவற்றை முடிப்பவனும் நானே. வித்தைகளுள் ஆத்மவித்யை நான். வீண் பேச்சு, வாதம், விதண்டாவாதம் போன்றவற்றுள் பொருள் நிச்சயிக்கும் வாதம் நானே“.
வித்தைகளுள் அபரவித்தை, பரவித்தை என இருவகை உண்டு, வேதங்கள் நான்கும், சிக்ஷை, கல்பம், வியாகரணம், நிருக்தம், சந்தஸ், ஜோதிஷம் முதலியவைகளும் அபர வித்தைகள். அஞ்ஞானத்தை நீக்கும் ஆன்மீக வித்தை பரவித்தை எனப்டுகிறது. இதைவிடச் சிறந்த வித்தை ஒன்றுமில்லை.
வீண்பேச்சாலும், விதண்டா வாதத்தினாலும் எப்பயனுமில்லை. வாதத்தால் நியாயமான தெளிவுகிடைக்கும். வாதங்களின் முடிவில் உண்மையின் தத்துவம் வெளிப்படும், எனவே பகவான் தன்னை வாத3 : என்று கூறுகிறார்.
ஸ்லோகத்தின் உட்கருத்து: “
“அச்சுனா! ஸ்ருஷ்டிக்கப்படும் பிராணிகளுக்கு காரணன் நான். ரக்ஷிப்பவனும் அவற்றை இறுதியாக நாஸம் செய்பவனும் நானே. வித்தைகளுள் சிறந்த பிரஹ்ம வித்யைக்கு நியாமகனாயும், ஜீவர்களுக்கு பதியாயும், ஞானஸ்வ ரூபனாயிருப்பதினாலும் அத்யாத்ம வித்யா நியாமகனாய் அத்யாத்ம வித்தையில் இருக்கிறேன். வாதம், ஜல்பம் மற்றும் விதண்டா போன்ற கதைகளும் தத்துவத்தை நிர்ணயிக்கும் வாத3 : என்னும் பெயருடையவனாய் வாதத்தில் இருக்கிறேன்”. –பகவான் ஸ்ரீகிருஷ்ணர்-
இங்கே ஒரு துளி: ஹரிஓம்- ஸ்ரீமத்வாச்சார்யர் – வாழ்க்கைவரலாறு மற்றும் தத்துவம் :(பகுதி 4)(படைப்பு: ஆதிமைந்தன்)
5. ஸ்ரீமதாச்சார்யர்அவர்ளின் இளமைப்பருவம் (தெடர்ச்சி) ஸ்ரீசரஸ்வதி தேவியின வாக்சாதூர்த்தாலும் அனுகிரஹத்தாலும் குழந்தை மழலை மொழிப் பேச ஆரம்பித்தது. பிறகு குழந்தை தவழ்ந்தது. தானாகவே நடக்க ஆரம்பித்தது.
ஒரு வயதே நிரம்பிய குழந்தை, ஒரு நாள் மாட்டுக்கொட்டகையிலிருந்து மேய்ச்சலுக்காக சென்ற ஒரு எருதின் வாலைப் பிடித்துக்கொண்டு காடுமேடுகளெல்லாம் சுற்றித்திறிந்துகொண்டிருந்தது அக்குழந்தை. வெகுநேரமாகியும் குழந்தை வீடு திரும்பவில்லை. பெற்றோரும் உடனிருந்தோரும் குழந்தை விளையாட எங்கோ சென்றுவிட்டதோ அல்லது கிணற்றில் விழுந்துவிட்டதோ என்று பத்ட்டத்தோடும் தேட ஆரம்பித்தனர். அச்சமயம் மாலை நேரமாகி விட்டது. குழந்தை மாட்டின் வாலைப் பிடித்துக்கெண்டு வருவதைக் கண்டனர். குழந்தை காடு மலைகளெல்லாம் சுற்றி வந்ததாகக் கூறியதைக் கேட்ட பெற்றோரும் சுற்றேரும் அக் குழந்தைச் சொன்னதை நம்பினார்கள்.
ஒரு நாள், குழந்தை வாசுதேவன், விளையாடிவிட்டு பசியுடன் வந்து தன் தந்தையை உணவருந்த அழைத்தார். அப்போது மத்யகேஹர் தமக்கு எருதை விற்ற வியாபாரி வந்திருப்பதாகவும், அவருக்கு சேரவேண்டிய பணத்தை கொடுத்துவிட்டு பிறகே உணவருந்தச் செல்ல வேண்டும் என்று அந்த எருது வியாபாரி தன்னைக் கட்டாயப்படுத்துவதாகவும் கூறினார். வாசுதேவன் கடனைத் திருப்பிக்கொடுக்கும் நோக்கில் தன் கைகளால் புளியங் கொட்டைகளை அள்ளிக் கொடுத்தார். அந்தப் புளியங்கொட்டைகள் அவருக்கு கடன் பணமாகத் தெரிந்தது. பின்னால் ஒருநாள் மத்யகேஹரிடம் வந்த அந்த வியாபாரி தங்கள் குழந்தை உங்கள் கடன்களை தீர்த்துவிட்டதாகத் தெரிவித்தார். அந்த வியாபாரி வாசுதேனின் கருணையால் பகவானின் மீதுபக்தி உண்டாகி மோக்ஷ்சத்தை அடைந்தார்.
கோகுலத்தில் ஸ்ரீகிருஷ்ணர் அவதரித்து லீலைகள் செய்தபோது கோகுலவாசிகள் எவ்வாறு மகிழ்ச்சி யடைந்தார்களோ, பஜகக்ஷேத்ர மக்களும் வாயு பகவானின் அவதார புருஷரான ஸ்ரீமதாச்சாயர் அவர்ளின் லீலை களைக் கண்டு புளகாங்கிதமடைந்தார்கள். தான் அவதாரபுருஷராக இருந்தும் சாதாரண மனிதரைப் போலவே தோற்றமளித்தாலும் இவரைக் கண்களால் தரிசித்தஉடனே மக்களெல்லோரும் பூர்ண ஆனந்தம் அடைந்தனர்.
6. உபநயனமும், கோவிந்த பக்தியும் சில ஆண்டுகள் கடந்தது. ஒரு விழாவில் கலந்து கொள்ள வாசுதேவனை அழைத்துக்கொண்டு சென்றனர். அவ்வூரைக் கடந்து தனியாக வீதி வழியே நடந்து சென்று, வெகுதூர்முள்ள குடாவூர் என்னுமிடத்தில் அமைந்துள்ள ரமாபதியை சேவித்து, தாலேகுடா என்ற ஊரிலுள்ள சிவாலயத்தில் வீற்றிருக்கும் ஸ்ரீமந்நாராயணனை நமஸ்கரித்து அஷ்டாங்க நமஸ்காரம் செய்தார். வாயுதேவர் பகவானுக்கு செய்த நமஸ்காரம் தேவர்களையும் வியப்படையச் செய்தது. இந்த நமஸ்காரம் மிகவும் சிறப்பாக செய்யப்பட்டது என்றும், இது ஆயிரம் அஸ்வமேத யாகங்களைவிடச் சிறந்தது என்றும் தேவர்களால் போற்றப்பட்டது.
ஸ்ரீமதாச்சார்யர் ‘ஸ்ரீக்ருஷ்ணாம்ருத மஹர்ணவ:’ என்னும் தொகுப்பில் நமஸ்கார லக்ஷணம் பற்றி தெரிவிப்பதைக் காண்க: உரஸா ஸிரஸா த்ருஷ்ட்யா மனஸா வசஸா ததா2/ பத்ப்4யாம் கராப்4யாம் ஜாநுப்யாம் பரணாமோஷ்டாங்க ஈரித://
தேவம் நாராயணம் நத்வா ஸர்வதேஷ விவர்ஜிதம்/
பரிபூர்ணம் குரூம்ஸ்சான் கீ தார்த்தம் வக்ஷ்யாமி லேஸத://
ஸமஸ்த குண ஸம்பூர்ணம் ஸர்வதோஷ விவர்ஜிதம்/
நாராயணம் நமஸ்க்ருத்ய கீதா தாத்பர்ய முச்யதே//
ஹரே ராம ஹரே ராம ராம ராம ஹரே ஹரே /
ஹரே கிருஷ்ண ஹரே கிருஷ்ண கிருஷ்ண கிருஷ்ண ஹரே ஹரே//
No comments:
Post a Comment