பக்தி முரசு (ஒரு பக்க வாராந்திர இதழ்) விபூதி யோகம் 10வது அத்யாயம்
யத்3யத3 விபூ4தி மத்ஸத்த்வம் ஸ்ரீமதூ3ர்ஜிதமேவ வா/ தத்த தே3 வாவக3ச்ச2 த்வம் மம தேஜோ ம்ஸஸம்ப4வம்/ /(அத் 10. ஸ்லோ.41)
லெளகீக விஷயங்களைக் கொண்ட மதச் சடங்குகளை நீக்கி, தூய உள்ளம் கொண்ட பக்தர்களால் புரிந்துகொள்ளக் கூடியதான மிகஉயர்ந்த உண்மையின் தத்துவத்தை ஸ்ரீமத்பகவத் கீதை விவரிக்கிறது. குறிப்பாக இந்த அத்யாயத்தில் பகவானின் விபூதி தத்துவங்கள் பகவானால்விவரிக்கப்படுகிறது. ஸ்ரீமத்பாகவதம் 01.03.07 to 25 வரையிலும் பகவானின் 22 அவதாரங்கள் ஸ்ரீஸூகாச்சார்யரால் விவரிக்கப்படுகிறது. பகவானின் சாக்ஷாத்கார ரூபங்கள் இதில் விவரிக்கப்படுவதைக் காணலாம். ஒரு வஸ்தானது பகவானின் விபூதி ரூபங்களை எடுத்துக்காட்டுவதாக அமைந்து, லக்ஷ்மி கடாக்ஷம் பெற்று, சக்தி வாய்ந்ததாக இருக்கிறதோ அந்த வஸ்த்து பகவானின் அம்சத்தில் தோன்றியது என்பதாக தெரிந்துகொள்ளவேண்டும். ஸ்ரீகீதாச்சார்யர் இந்த ஸ்லோகத்தில் விபூதி ரூபங்களின் தத்துவ சாராம்ஸத்தை ரத்னச் சுருக்கமாக கூறியிருப்பதைக் காணலாம். பகவான் ஸ்ரீகிருஷ்ணர் எங்கும் நிறைந்திருக்கிறார். ஸகல ஸ்ருஷ்டிக்கும் காரணமும் காரணகர்த்தாவும் பகவானே. எப்பொருளும் பகவானின் இச்சை இல்லாமல் தானாக இயங்க எந்தவித முகாந்திரமும் இல்லை. இச் சங்கதிகள் கீதையில் அனேக இடங்களில் விவரிக்கப்பட்டிருப்பதைக் காணலாம். ஒரு மனிதன் பகவானின் பூர்ணத்துவ தத்துவத்தில் நம்பிக்கைபெற வேண்டுமானால், ஹிருதய சுத்தமும், பக்தியுடன் கூடியதான நம்பிக்கையூட்டும் சிந்தனைகளும் இருக்கவேண்டும். இவைகள் கிடைக்க காரணமாக இருப்பது பகவந் நாம ஸ்மரணை மட்டுமே என்பது அனேக புராணங்கள் மூலம் தெரிவிக்கப்பட்டிருக்கிறது. எப்பொருள் எவ்வாறு இருப்பினும், அப்பொருள் சிறப்புபெற்றிருக்குமாயின் அது பகவானின் சக்தியின் ஒரு துளியே என்று நம்பிக்கை கொள்வது விபூதி ரூபத்தின் விவரணங்களில் உயர்ந்த குறிக்கோளாக அமைகிறது. இதுவே விபூதியின் சாராம்ஸம் என்று அறியலாம். ஸ்லோகத்தின் உட்கருத்து : “எந்த ஒரு வஸ்து தன் இனத்தில் உத்தமமானதோ, ஸம்பத்துடன் இருக்கிறதோ, மேலும் அபிவிருத்தியுடையதோ அவ்வஸ்து என்னுடைய பிரகாஸ ரூபமாகிய அம்ஸத்தோடு கூடியிருக்கிறதென்று நீ தெரிந்து கொள்”-பகவான் ஸ்ரீகிருஷ்ணர்- இங்கே ஒரு துளி: ஹரிஓம்- ஸ்ரீமத்வாச்சார்யர் – வாழ்க்கை வரலாறு மற்றும் தத்துவம் :(பகுதி 12) (படைப்பு: ஆதிமைந்தன்) இவ்வாறு தீர்த்தயாத்திரை மேற்கொண்ட ஸ்ரீமதாச்சார்யர், தன் முன்அவதாரமான பீமாவதாரத்தின்போது, துரியோதணன் திரெளபதியை துயிலுரிக்க முற்பட்டபோது, “கெளரவர்களின் சகாப்தத்தை முடிப்பேன்” என்று சபதம் செய்தாரோ அதுபோலவே இவ்வவதாரத்தின்போதும், வேதங்களைக் காப்பாற்ற, அதன் உண்மைப்பொருளான “ஹரி சர்வோத்தம” தத்துவத்தை விளக்கி அதன் மூலம் துஷ்ட வ்யாக்யானங்களைக் கண்டிக்கப்போவதாகவும் சபதம் செய்தார். ஸ்ரீஆச்சார்யர் பத்ரிகாஸம் செல்ல எத்தணித்து, அதற்கு முன்பு, கீதைக்கு முதலில் பாஷ்யம் செய்தார். தான் நீண்ட நாட்கள் பயனிக்க வேண்டி இருந்ததால், தாம் திரும்பி வரும் வரை கீதா பாஷ்யத்தை மக்கள் படித்து அறிய வேண்டும் என்பதற்காக அதை லிகுச வம்சத்து சன்னியாசி ஒருவரிடம் ஒப்படைத்தார்.
பின்பு, தன் குருவிடம் உத்திரவு பெற்று, தம் சீடர்கள் சிலருடன் பத்ரிகாஸம் சென்று அங்குள்ள ஸ்ரீநரநாராயண ஸ்வாமியை நமஸ்கரித்து தான் இயற்றிய கீதா பாஷ்ய நூலை காணிக்கையாக சமர்ப்பித்தார். ஸ்ரீநரநாராயணனை தனிமையில் தரிசித்து, தான் எழுதிய கீதா பாக்ஷ்யத்தின் மங்களா சரண ஸ்லோகத்தை சொன்னார். அதில் “சக்திதவஸ்மி” அதாவது “தன் சக்தி அளவு கூறுகிறேன்” என்று படித்ததை கவனித்த ஸ்வாமி நாராயணர், ஆச்சார்யரை நோக்கி “நீ கீதையில் இருக்கின்ற எல்லா ஸ்லோகங்களின் உட்பொருளை நன்கு விளக்கக்கூடிய சக்தி பெற்றவனாக இருந்தும் இவ்வளவு மட்டுமே எடுத்துக்கூறியுள்ளாய். எனவே சக்தித: என்று கூறியதற்கு பதிலாக லேசத: என்று எழுதுவாயாக” என்று கூறினார். அந்த ஸ்லோகம் காண்க::: §¾Åõ ¿¡Ã¡Â½õ ¿òÅ¡, …÷ŧ¾¡„ Å¢Å÷ƒ¢¾õ /
À¡¢â÷½õ ÌåõŠº¡ý ¸£ ¾¡÷ò¾õ Ō¡Á¢ §Ä…¾//
ஹரே ராம ஹரே ராம ராம ராம ஹரே ஹரே/ ஹரே கிருஷ்ண ஹரே கிருஷ்ண கிருஷ்ண கிருஷ்ண ஹரே ஹரே/
No comments:
Post a Comment